Убедени сме дека во ЕЛЕМ и РЕК Битола работат стручни лица кои се свесни за големата одговорност која ја носат и секојдневно успешно се справуваат со сите предизвици во тековното работење, наведува Општинскиот комитет на ВМРО-ДПМНЕ во реакција на денешната прес-конференција на пратеникот Васко Ковачевски од СДСМ.
Од партијата оценуваат дека станува збор за неразбирлив политички притисок од страна на СДСМ, кој, како што потенцираат, не само што е непотребен, туку е и штетен за енергетската стабилност на државата.
– Имајќи ја во предвид важноста на РЕК Битола за енергетската стабилност на земјата се поставува прашањето „дали СДСМ посакува и заговара навистина да се случи „колапс“ на РЕК Битола и енергетскиот систем на штета на граѓаните и стопанството, само за Васко Ковачевски да има со што да се занимава“, се вели во реакцијата.