Следниот противник на македонскиот првак МЗТ Скопје Аеродром во регионалната АБА лига, екипата на Левски од Софија го претрпе и 22-от пораз.
На средбата од 23-то коло одиграна попладнево во Софија, бугарската екипа е поразена од Игокеа со 77:92.
Левски останува на дното на табелата со само една победа пред МЗТ Скопје кој има 6, а Игокеа две повеќе.
Левски и МЗТ Скопје следниот понеделник (9 март) ќе го играат вториот меѓусебен дуел, овој пат во Софија. Потсетување дека на првиот меч во Скопје, аеродромци славеа победа со 72:61.
Инаку, ова 23-то коло ќе биде комплетирано вечерва со средбата меѓу Металац и Цибона која ќе започне од 20 часот и 30 минути.
Потсетување на резултатите кои беа постигнати на средбите одиграни во текот на викендот: Цедевита – Мега Лекс 103:107 (по продолжение), Солнок – Будуќност 72:81, Крка – Задар 83:80, МЗТ Скопје Аеродром – Унион Олимпија 57:76 и Партизан – Црвена Звезда 77:63.
Табела: Црвена звезда 44 бодови, Будуќност 40, Партизан 39, Цедевита 38, Унион Олимпија 36, Крка 35, Задар 34, Мега Лекс 33, Металац 33 (-1 натпревар помалку), Солнок 33, Цибона 31 (-1), Игокеа 31, МЗТ Скопје Аеродром 29 и Левски Софија 23.