Во шестото „Саботно мени“ оваа година, издавачката куќа Или-или, утре 28 февруари, на своите читатели им нуди два романи од шпански автори.
Хипнотичната приказна за моќта на таинственоста, за бракот, убиството, сомнежот, молкот и убедувањето, насловено „Срце толк бело“ на Хавиер Маријас, како и прекрасната приказна погледната низ детски очи „Светот“ на авторот Хуан Хозе Милјас, во која секој на светот се прилагодува на свој начин, како знае и умее.
Со купувањето на двете книги, како и досега, читателите кои ќе дојдат во Или-или ќе добијат и подарок – уште една трета книга. Овој пат изборот падна на еден од ретките преводи од кинески на македонски јазик, новелата „Златен оков“ на Џанг Ајлинг.
Книгите ќе бидат на попуст од 50 до 30 отсто. Акцијата ќе се одржува меѓу 10 и 16 часот