Палестински тинејџер беше убиен од израелски војници во близина на градот Витлеем на Западниот брег во текот на ноќта.
Џихад ал Џафари (19) бил активист на движењето Фатах на палестинскиот претседател Махмуд Абас. Бил застрелан од изралески војници во срцето за време на немири во бегалски камп.
Портпаролка на израелската армија наведе дека војници кои спроведувале акција во реонот на Витлеем биле нападнати со камења и Молотови коктели. Еден војник бил повреден. Откако неуспешно се обиделе да ги растераат демонстрантите во кампот, израелските војници отвориле оган.