Грција дискутира за листата на реформи и мерки за справување со даночно затајување и корупцијата со меѓународните партнери, со цел таа да биде прифатена, изјави портпаролот на Владата Гаврил Сакеларидис.
Како што јави дописникот на МИА од Атина, тој информира дека списокот се уште не е испратен во Брисел, но додаде тоа ќе биде направено до крајот на денов, како што бара еврозоната во рамките на договорот за продолжување на договорот за кредит.
– Листата вклучува реформи кои ќе имаат за цел борба против затајувањето данок и корупцијата, така што даноците се распределени на начин кој ќе биде повеќе фер во општествена смисла, изјави Сакеларидис за телевизијата „Скај“.