„Веќе четири недели на Сквер Буњаковец стои отворена дупка, која е сериозна опасност за граѓаните. Град Скопје, кој издал одобрение за поставување билборд, за ова ја нема известено Општина Центар, на чија територија е локацијата.
Ова е обврска согласно Правилникот за ископи, донесен од општината, во кое стои дека пред почетокот на постапката за прекопувањето на улици и тротоари, инвеститорот е должен да добие согласност од општина Центар.
Ваква согласност ниту некој побарал, ниту некој добил од општината, соопшуваат од Центар.
„Испратени се две барања до градот во најкус можен рок да се санира дупката , но не е превземено ништо од страна на Град Скопје. Граѓаните се револтирани од непостапувањето на надлежните градски служби. Прашуваат дали треба да се случи некоја несреќа за конечно да се санира дупката.
Овластен градежен инспектор од Центар излезе на терен и констатираше дека ископот е незаштитен, а плочките се искршени. За оваа ситуација алармирани се надлежните во Град Скопје.
Скверот Буњаковец комплетно е изграден пред една година“, велат од Општина Центар.