Студенти масовно се упатуваат кон Универзитетот „Кирил и Методиј“, таму тие ќе им се придружат на своите колеги за да прогласат автономна зона во одбрана на автономијата на Универзитетот.
Тие носат транспаренти на кои пишува. „Автономија“, „Кој ќе го запре гласот на студентите“…
Студентите бараат целосно укинување на новиот закон за високо образование, а не само одложување на државниот испит Поддршка за студентите во прогласување на автономна академска зона на универзитетскиот кампус дадоа и од Професорскиот пленум.
Собранието на вчерашната седница изгласа по скратена постапка да ги усвои измените на Законот за високо образование, но гласањето е закажано за денеска откако ќе мине на матичните комисии.
