Одборот за превенција и сузбивање инфективни болести во Министерството за здравство на Косово прогласи епидемија од туларемија во државата и ги активираше сите теренски тимови за спречување на појавата на нови случаи.
Според приштински медиуми, од 1 јануари 2014 до 10 февруари оваа година пријавени се вкупно 206 случаи на туларемија. Трендот на пораст на инфицирани е регистриран во јануари 2015 година.
Досега не е регистриран ниту еден смртен случај од туларемија.
Болеста воглавно е регистрирана во централниот и источниот дел од Косово – во 19 општини со 88 жаришта. Најголем број заболени има во Вучитрн, Обилиќ, Србица, Призрен и Сува Река.