Грчкиот премиер Алексис Ципрас изјави дека неговата влада ќе ги исполни ветувањата од предизборната кампања, меѓу кои спаѓа и долгот на Грција, но истакна и дека од Германија бара обештетување за Втората светска војна.
-Морална обврска кон нашиот народ, историјата, кон сите европски народи кои војувале против нацизмот, да се бара од Германија воена репарација и враќање на принудниот заем, кој нацистите го зеле од окупирана Грција, а никогаш не го вратиле- рече тој.
Инаку Сириза пред изборите најави дека од Германија ќе бара обештетување од 162 милијарди евра што е еднакво на половината од актуелниот долг на Грција кон странските доверители.
Е. Г.