„Поаѓајќи од уставно загарантираните човекови слободи и права, пред се од правото на здружување заради остварување и заштита на граѓанските, политичките, економските, социјалните и културните и други слободи и права, Ние членовите на ВМРО ДПМНЕ и македонски патриоти го формиравме ФОРУМОТ НА СЛОБОДОУМНИ ПАТРИОТИ (ФСП).
Формирањето на Форумот – ФСП е принципиелен патриотски и морален одговор на нашата се поголемата загриженост за правецот во кој се движи Република Македонија. Форумот на слободоумни патриоти се спротивставува на обидите и желбите за воспоставување на систем без систем односно на систем по мерка на политичките елити, на обидите авторитаризмот и тоталитаризмот да се протуркаат како елитен демократски артикл, лаицизмот да се нуди со етикетата на авангардност, на обидите злоупотребата на државите и партиските функции да се претстават како производ на светските цивилизациски трендови, а сиромаштијата на нашиот народ како продукт на идејата за колективно жртвување во името на некакви ,,повисоки” државни интереси.
ВИЗИЈА НА ФОРУМОТ е создавање:
- општество на слободни и независни граѓани каде ќе се почитуваат граѓанските, политичките, економските, социјалните, културните и другите слободи и права,
- општество на лојални и рамноправни граѓани,
- општество со развиена демократска свест,
- општество со демократски, непартизирани и професионални институции,
- општество чија темелна вредност е владеење на правото засновано на неговите основни постулати.
ЦЕЛИ НА ФОРУМОТ:
- Поаѓајќи од содржина та на вторвиот дел од името на партијата ДПМНЕ (Демократска партија за македонско нацинално единство), кое јасно и недвосмислено го означува начинот на делување и политичките стремежи на партијата Форумот нема за цел да прави делби и расколи ниту во партијата ниту во државата, ниту има за цел некого да го омаловажува, руши или маргинализира туку негов приоритет е реализација на овој вековен стремеж. И токму поради тоа во овој момент приоритетна обврска е спротивставување на сите партиско политички активности кое секојдневно како народ се повеќе не делат и разделуваат по сите основи.
- Форумот ќе се залага за јакнење и пораст на демократската свест на граѓаните и подигање на нивото на културата во политичката комуникација, ќе вложува напори да ја релаксира политичката состојба во државата како и да овозможи политички дијалог помеѓу политичкитe субјекти во земјата.
- ФСП најенергично и бескромпромисно ќе ја води борбата Република Македонија да се ослободи и конечно да расчисти со агресивната и егоистична политичка елита која во овие дваесетина години создаде изобличена демократија и во таа смисла ФСП најергично се спротивставува на секое „владењее на егоизмот на личните интереси“.
- Форумот ќе нуди алтернативни предлози и решенија на правен, економски, политички и безбедносен план како и на полето на демократијата
- ФСП максимално ќе се залага за почитување на слободата на уверувањето, совеста, мислата и јавно изразување на мислата, слободата на говорот, јавниот настап и јавното информирање.
- ФСП ќе се спротивстави на сите обиди за туркање на партијата во водите на партискиот деспотизам, меѓутоа истовремено ќе вложи максимални напори за враќање на изгубениот идентитет на партијата.
- ФСП ќе се грижи за своите сопартијци и за остварување на нивните права и обврски,
- ФСП ќе се залага за промена на постојниот Статут на партијата кој треба да коренспондира со името на партијата, нејзините цели и задачи но и да овозможи нејзина демократизација на сите нивоа“, се вели во соопштението на Форумот на слободоумни патриоти.