Петчлено семејство од Ветманштетен, Австрија, кое што потекнува од Босна и Херцеговина, според неофицијални информации се приклучило на припадници на терористичката организација Исламска држава.
Според наводите на виенскиот весник „Курир“ Интерпол покренал потрага по Енес Скалиќ (35), неговата сопруга Михаела Субашиќ (36) и трите ќерки Сара, Ениса и Ајла, кои што се на возраст од две, девет и 11 години.
Енес е роден во Австрија во Брегенц, а неговата сопруга Михаела поради него преминала во ислам и во бракот ја довела својата ќерка.
-Деветгодишната ќерка во училишниот дневник напишала дека сака да оди во Мека и конечно да носи марама- изјавил градоначалникот Хелмут Кригл.
Инаку Енес кој во Австрија едно време имал и своја фирма, но не им е непознат на австриските власти, кои сметаат дека припаѓа на кругот на таканаречени„западно балкански борци“.
Односно оние кои биле блиски до Мирсад Омеровиќ и Билал Босниќ кои се обвинети за регрутирање на борци за ИСИС.
Семејството најверојатно го планирала заминувањето од Австрија, бидејќи на есен ја ставиле куќата на продажба.
Е. Г.