По кривичната пријава на МВР против лидерот на СДСМ, Зоран Заев Јавното обвинителство предложи превентивни мерки за него и одземање на патната исправа или друга исправа за преминување на државната граница.
За другите тројца обвинети е предложен притвор.
– Надлежниот обвинител против осомничените лица донесе наредба за спроведување истражна постапка и тоа за осомничениот З.В. за кривични дела „шпионажа“ по чл. 316 од Кривичниот Законик и кривично дело „насилство спрема претставници на највисоките државни органи“ по чл. 311 во врска со чл. 24 од КЗ, за осомничената С.В. за сторено кривично дело „шпионажа“ по чл. 316 вв со чл. 24 од КЗ, за осомничениот Б.П. за кривично дело „насилство спрема претставници на највисоките државни органи“ по чл. 311 во врска со чл. 24 од КЗ и за осомничениот З.З. за кривично дело „насилство спрема претставници на највисоките државни органи“ по чл. 311 во врска со чл. 19 од Кривичниот Законик на Република Македонија, стои во соопштението од Јавното обвинителство.