Проширувањето на улицата за пристап до новиот плоштат ВМРО кој се гради пред седиштето на владеачката партија ВМРО-ДПМНЕ ќе чини 20.426.417 милиони денари или толку проценил градот дека се доволни за овој потфат.
Тендерот за проширувањето го објави град Скопје а сумата од 330.000 евра е без вклучен ДДВ.
Проширената улица треба да го заокружи плоштадот ВМРО вреден 1,3 милиони евра.
Фонтаната и спомен обележјето пред зградата на ВМРО-ДПМНЕ се дело на скулпторката Елена Дуковска која победи на конкурсот објавен од град Скопје и однесе награда од 50.000 денари.
Името на трудот на Дуковска е „Лавица“ а ќе содржи престава со мотиви од историјата на ВМРО кои ќе се најдат на столб на централно место на плоштадот.
Изведувач на плоштадот ВМРО со површина од 681 метар квадратен е фирмата од Кавадарци „Урбан инвест“.
Инаку на скулпторката Елена Дуковска плоштадот ВМРО не и прв проект. Таа ја има направено и склуптурата „Чистачот на чевли“ лоциран на улица Македонија, а нејзини дела се и два од четирите лава на мостот Гоце Делчев.