Пратениците во косовското Собрание усвоија закон со кој на граѓаните на Косово им се забранува учество во оружени судири во странство.
За законот гласаа 74, а против беа 14 пратеници, меѓу кои и пратениците од Самоопределување, кои бараа со законот да се прецизира списокот на терористички организации во кои не смее да се членува.
Министерот за внатрешни работи Скендер Хисени изјави дека со законот се има за цел Косово да биде на страната на држави кои се против тероризмот.
Медиумите во Приштина јавуваат дека пратениците од листата Српска го напуштиле гласањето.