Комитетот за финансии на грчкиот Парламент побара од пратениците да ги вратат платите за јануари, јави дописникот на МИА од Атина.
Парламентот издаде соопштение во кое се вели дека активностите на пратениците завршиле кон крајот на декември, по третиот неуспешен избор за претседател на земјата, а платите за јануари веќе биле исплатени на 23 декември.
Според Комитетот за финансии, секој пратеник се очекува да врати сума од 6.099 евра, јави електронското издание на „Катимерини“.