Високиот претставник на ЕУ за надворепшна политика и безбедност Федерика Могерини најави денеска жалба на одлуката на Европскиот суд за отстранување на палестинското движење Хамас од листата на терористички организации.
– Европскиот совет ќе се жали на оваа пресуда, а Хамас ќе остане на листата до завршување на жалбената постапка, порача Могерини.
Таа истакна дека судската одлука за симнување на Хамас од терористичката листа е заснована на процедурални грешки и оти не ја доведува во прашање суштинската политика на Хамас.