Саше Трајков од Гевгелија го извади чесниот крст од осветената вода на реката Вардар на денешниот Богојавленски собор на кој присуствуваа неколку илјади гевгеличани и гости од соседна Грција.
– Пресреќен сум што меѓу четириесетина учесници токму мене ми се посреќи да го фатам чесниот крст. Мојата радост и верба во Бога е голема и со светиот крст ќе ја пронесам во сите христијански домови во општина Гевгелија, изјави Трајков.
Градоначалникот на општина Гевгелија, Иван Франгов му честиташе Саше Трајков и му подари лап топ компјутер.