Триесет и осумгодишниот Скот Тинсли од градот Кобриџ, Велика Британија заспал во дневната соба во куќата која што ја ограбил, по конзумирање на наркотици. Потоа тој го признал злостроството, а судијата го нарекол „најбеден крадец во историјата“.
Тинсли е уапсен додека спиел во куќата, бидејќи сопственичката го слушнала рчењето од дневната соба. Тој влегол во дворот за да ги украде машините кои се наоѓале во гаражата, а потоа и во куќата бидејќи бил гладен.
Полицијата тврди дека конзумирал наркотици по што удобно се сместил на креветот и заспал во собата.
Јавниот обвинител Нил Ахуја изјави дека откако сопственичката го видела непознатиот човек во нивниот кревет, веднаш повикала полиција, бидејќи стравувала за безбедноста на своите три деца кои во тој момент спиеле.
-Нејзиниот сопруг го разбудил крадецот и го задржал во куќата до пристигнување на полицијата. Крадецот претходно изнел повеќе предмети од куќата, меѓу кои телевизор, музички систем – изјави припадник на полиција.
Тинсли кој зад себе има 102 прекршоци и дури 41 пресуда го признал злосторството.
Е. Г.