САД ќе затворат 15 воени бази низ Европа, со што Пентагон ќе заштеди околу 500 милиони долари годишно, изјави денеска американскиот секретар за одбрана во заминување Чак Хејгел, пренесува Би-Би-Си.
Голем број воени бази што ќе бидат затворени се помали објекти, што се остатоци од Студената војна и стационари, во најголем дел во Велика Британија и Португалија, а се однесуваат на припадниците на американските Копнени сили во Европа.
САД моментално имаат над 60.000 војници стационирани во Европа, во најголем дел во Германија, Италија и Велика Британија и нивниот број ќе остане ист бидејќи Вашингтон планира да врши нивно „ротирање“ низ Европа, како и се вклучи во програми за обука, наведува Би-Би-Си.
Според Хејгел тоа има за цел да се зголеми ефикасноста на американското воено присуство во Европа и по тензиите Вашингтон да го насочи вниманието кон Азија.
Хејгел истакна дека британската воена база РАФ Лејкенхет ќе биде прва постојана европска база за нови американски авиони од типот Ф-35 и дека промените ќе значат намалување од околу 2.000 американски воени службеници во Велика Британиај во следните неколку гофини.