Во Скопје на бул. „Никола Карев“ кај „Пластичарската улица“, поради нерасчистени односи, полициски службеник од ПС Бит Пазар, заедно со неговиот брат физички нападнале две лица од населбата Ченто.
Поради сериозност на повредите двете лица се пренесени во Ургентен центар Скопје, додека сторителите го напуштиле местото на настанот.
По преземени мерки приведени се сторителите, по целосно документирање на случајот ќе биде поднесен соодветен поднесок. За настанот известен е и Секторот за внатрешна контрола и професионални стандарди.