Турскиот претседател Реџеп Таип Ердоган денеска изјави дека продолжува процесот за мирно надминување на курдскиот конфликт во Турција и дека овој процес ќе остане главен приоритет за земјата, пренесува ДПА.
Ќе ја продолжиме нашата работа врз овој процес со трпеливост и решителност за да ги доближиме граѓаните до овој мировен проект, рече Ердоган во своето новогодишно обраќање до турскиот народ.
Работата врз мировниот процес беше прекината во последните месеци, откако Курдите во Турција протестираа против одбивањето на Анкара да им помогне на сириските Курди од опколениот град Кобане во нивната борба против џихадистите од групата Исламска држава.
Турција на крајот на 2012 година ги почна преговорите со лидерот на
Курдската работничка партија (ПКК) Абдула Оџалан со цел да заврши курдскиот конфликт, што од 1984 година до сега однесе неколку десетици илјади животи.