Градоначалникот на општина Центар Андреј Жерновски, на својот ФБ профил праша: До кога со вакви напади и текстови ?!?
Жерновски напиша:
Според овој човек, нашето организирање на манифестацијата “Град во градот” и дочекот на Новата Година значи, цитирам, „ПОВИКУВАЊЕ НА УРИВАЊЕ НА УСТАВНИОТ ПОРЕДОК”.
До кога со вакви напади и текстови ?!?
Драган Павловиќ Латас напиша колумна во весникот Вечер во која пишува:
Местото на кое Жерновски организира новогодишна забава е наречено-Град во градот. Мене тоа ми личи на држава-во држава, што е повикување на уривање на уставниот поредок. А уште ако се знае дека на тоа место ќе се соберта трезвени, а ќе си заминат различни луѓе, паролата-Град во градот може да биде прилично сугестивна и длабоко вкоренета во свеста на присутните. Со несогледливи последици.
Затоа очекувам на тој центарски дел од плоштадот да се најдат поголем број млади, набилдани и кратко шишани, спонтано собрани ликови за кои само злонамерен ќе тврди дека имаат врска со органите на безбедност. Тука се, онака, за секој случај.