Русија одлучи да достави 500.000 тони јаглен за еден месец на Украина, со цел да се реши енергетскиот проблем во земјата, изјави рускиот вицепремиер Дмитриј Козак, пренесува ТАСС.
Козак во интервју за телевизијата „Русија 24“, изјави дека ако биде склучен дополнителен договор Русија е подготвена да испорача уште 500.000 тони, односно вкупно еден милион тони.
Според него одлуката е донесена на барање на украинската влада. Енергенсите ќе бидат доставени по повластени услови, по исти цени, како и тие што важат за внатрешниот пазар во Русија.
Рускиот вицепремиер изрази надеж дека доставата на јаглен ќе го реши проблемот со снабдувањето со електрична енергија на Крим.