„Јавната расправа“ за Законот за високо образование според Студенстки пленум е консензуален разговор на Министерот и Премиерот пред камерите.
Горан Таневски од Студентски пленум порача дека и покрај 3-те „јавни дебати“, свесното прекршување на Законот, целосното игнорирање на Студентскиот пленум и на самите Универзитети, не се откажуваат.
„Да не дозволиме овој монолог на Владата да продолжи. Студенти да си го освоиме образованието назад“, рече Таневски.
Ова, посочи, е моментот кога треба да се искаже револтот, не само поради лошите реформи, туку затоа што сопствената држава без срам ги игнорира.
„Пак сопствената држава дрско ни се потсмева, невешто не заокружува. Да покажеме дека гласот на студентите не познава политички и национални бариери, да покажеме дека колку повеќе не притискаат, толку посилни стануваме“, вели Таневски.
За во петок во 2 часот пред Владата на РМ ги повика сите на протест и тоа помасовен, побунтовен и покреативен.
Таневски рече – заедно сме посилни!