Под слоганот „Подајте рака, допрете срце“ се одржа хуманитарен базар од кој средствата се наменети за отворање Дневен центар за деца со аутизам.
Хуманитарниот базар го организираа меѓународната градина на ЦЕЛ Глобал и Здружението на граѓани за третман на лицата со аутизам, АДХД и Аспергеров синдром, „Во мојот свет“.
Базарот беше поддржан од повеќе компании и организациите кои со продавање на дел од своите производи на штандови во трговскиот ја поддржаа хуманитарната цел на настанот и средствата ги донираа во фондот на Здружението „Во мојот свет“.
Организаторите изразија надеж дека овој пример ќе биде мотив и за останатите компании, за да ја покажат својата грижа и општествена одговорност кон лицата на кои им е најпотребна поддршка.