„Каков „Интервју“, чекајте Ким Џонг Ун да го види мојот порно филм“, рече Лери Флинт сопственик на еротскиот магазин „Хастлер“ и еден од најпознатите личности во порно индустријата.
Како што наведе тој пародија на филмот „Интервју“, кој што предизвика контроверзии и хакерски напад на страницата на „Сони“, поради што беше откажано неговото прикажување, ќе биде порно филмот „Ова не е Интервју XXX“.
Флинт додаде дека филмот чие што сценарио се уште е тајна ќе биде пуштен во дистрибуција до пролет 2015 година.
-Поминав цел живот борејќи се за слобода на говорот и ниеден странски диктатор тоа нема да ми го одземе-вели тој.
Инаку одлуката на „Сони“за повлекувње на филмот ја критикуваа и најпознатите холивудски актери како Џорџ Клуни и Шон Пен, а со ист став е и американскиот претседател Барак Обама.
Е. Г.