„Биди хуман“, под ова мото, денеска Општинската организација на СДСМ Центар, организираше акција за собирање средства за 16 годишна девојка, жител на Центар, на која и е неопходна помош за пресадување на коскева срцевина.
Членовите на СДСМ од Центар, велат дека секогаш се тука за да им помогнат на своите сограѓани.
„Пред Новогодишните и Божоќните празници, кои се денови на семејството, пријателството, денови кога треба секој да ја покаже својата хуманост не само со зборови, се собравме за да и помогнеме на нашата сосетка и пријателка. Мала помош денеска од нас, е големо нешто за неа“, рече претседателот на Општинската организација Центар, Саша Богдановиќ.
Беа присутни и заменик претседателот на СДСМ Радмила Шеќеринска, советници од Центар и многу жители на општината. Секој оддели колку може. Сите посакаа успешна операција и брзо закрепнување на 16 годишната девојка.
