По 5-те години скриен во фотељата на Водно, изгласан на криминални избори, Иванов денеска пред мнозинството на ВМРО-ДПМНЕ и ДУИ се осмели да предава за демократија и дијалог во 2015 година.
Политичкиот дијалог не значел слабост, туку бил израз на политичка зрелост?!
Да ја имаше Иванов храброста за којашто зборува, да му ја одржи таа лекција на менторот Никола Груевски, ќе ги видеше вистинските причини за ќорсокакот во којшто ја заглавија 9 година Република Македонија.
Но на Ѓорге Иванов му е полесно да каже дека треба “смирено да ги прифаиме нештата што не зависат од нас“.
А бидејќи ништо не зависи од него, тој смирено го прифаќа силувањето на волјата на студентите и професорите, на хонорарните работници, фирмите, што од 1 јануари ги чека егзистенцијален шок.
Тоа за Иванов не се теми за демократска дебата.
Во обраќањето тој се обиде да го оправда своето непостоење на политичката сцена со објаснувањето дека работел на развој на економијата.
Веројатно оттаму е неговата перцепција дека младите остануваат во земјава поради економските успеси и покрај податоците на Светска банка за 447.137 државјани што ја напуштиле земјава.
Ѓорге Иванов денеска само потврди дека Македонија нема претседател на државата, велат од СДСМ.