Владата на Никола Груевски се исплаши од громогласното „не“ за таканаречениот државен испит, реагираат од СДСМ по прес конференцијата на министерот за образование.
– Затоа одлучија да го промовираат во недела, завиткан во куп избрзани образовни измени, за коишто, за некој месец ќе треба некој нов „државен испит“.
Насилието на Владата спроти ставот на 10 илјади студенти и спроведено во моменти кога факултет по факултет излегуваат со отфрлање на владиниот предлог за “државен испит“ е класичен доказ со каква незрела и егоистична власт си имаат работа граѓаните во Македонија.
Дополнително, потегот на двоецот Адеми Ристовски е капитулација на осумгодишните погрешни владини политики што го доведоа образованието на раб на катастрофа.
Решението е во заминување на оваа Влада, велат од СДСМ.