Регионалниот центар за граничен реон Југ поднесе кривична пријава против К.К. (33) бугарски државјанин за сторено кривично дело – „криумчарење мигранти“, а судија на претходна постапка од Основен суд Скопје му изрече мерка притвор во траење од осум дена.
Како што информира МВР, при извршена детална контрола завчера во 9:05 часот на Граничниот премин Богородица при влез во Република Македонија во товарно моторно возило „Мерцедес 814“ со бугарски регистарски таблички сопственост на „ВЕДА“ ООД од Плевен, Република Бугарија, управувано од пријавениот, во специјално направен простор (бункер) во товарниот простор откриени се 11 државјани на Сирија на возраст од 35 до 18 години, кои имал намера да ги превезе до Србија.
– Од страна на кримтехника од Полициската станица Гевгелија е извршено фотодокументирање на настанот и мигрантите. К.К. е приведен во просториите на Полциската станица за гранично подрачје и граничен надзор Богородица и е извршен информативен разговор, а сириските мигрантите се сместени во Прифатен центар во Скопје, соопшти МВР.