„Се разбира дека за Груевски и тесната група околу него е смешно да се седи до новогодишната елка и да се посакува: да си го видиш детето кое ти заминало во странство, да најдеш работа за да можеш да си го прехраниш семејството, нешто да се случи да ти стигнат 2.500 денари социјална помош со коишто би го поминал месецот, извршителите да престанат да ти тропаат на вратата…
Груевски и групата околу него којашто едвај ја собра на Димче Мирчев број 20 и лета по рајските острови, толку физички се одлепи од реалноста во Македонија што и елката им стана метафизика.
Вистината многу брзо ќе ги приземји Никола Груевски и неговите соработници.
Тогаш тие самите ќе побараат да седнат под новогодишната елка и ќе ја почувствуваат тежината на копнежот на милион ипол граѓани во Република Македонија, со кои сега се потсмеваат“, се вели во реакцијата на СДСМ на соопштението на ВМРО-ДПМНЕ.
.