Германската канцеларка Ангела Меркел денеска е реизбрана по осми пат за лидер на Христијанско демократската унија (ЦДУ), на Конгресот на партијата кој се одржа во Келн.
Меркел, која беше единствен кандидат за лидерската функција, доби поддршка од 96,72 отсто од гласовите на делегатите на Конгресот.
Во 2012 година таа беше избрана за претседател на партијата со 97,94 проценти од гласовите, што претставува нејзин најдобар резултат.