Две експлозии одекнаа утринава во близина на генералштабот во центарот на Дамаск, објави официјалната Сириска телевизија, додавајќи дека на местото на експлозијата избил пожар.
Двете терористички експлозии ја потресоа зградата во близина на седиштето на генералштабот во Дамаск, објави телевизијата без информации за можни жртви. Во оваа област, избил пожар, се додава.
Голем број на возила за итна помош се упатија кон местото на експлозијата.
Сирискиот министер за информации Омран ал-Зоби објави дека експлозиите се предизвикани од бомби, но дека немало жртви.
Две бомби експлодираа, но предизвикаа само материјална штета. Сите офицери се добро, рече министерот.
Во Сирија веќе една и пол година беснеат судири во кои загинаа голем број на луѓе.