На вечерашната пресконференција пред дуелот против Брест Мешков, тренерот на Металург, Лино Червар, посебно им се обрати на навивачите на Металург, кои што ги повика од срце, да дојдат на дуелот против Брест Мешков, и да го бодрат Металург, пренесе Екипа.
„Јас ја користам оваа прилика да ги повикам сите наши фанови и публика, да бидат присутни во салата за натпреварот против Брест Мешков и да ни дадат подршка на овој натпревар, кој што е од огромно значење за нашиот тим. Кога сме бодрени од публиката, ние ќе сториме се за да стигнеме до победата“, повика хрватскиот стратег Лино Червар.
На пресконференцијата беше присутен и Филип Миркуловски, кој што истакна дека бил задоволен од атмосферата за време на натпреварот против Ла Риоха, и истакна дека се надева дека таа атмосфера ќе се повтори.
„На мечот со Ла Риоха имаше фантастична атмосфера, се надевам дека исто ќе биде и во сабота, а на крајот заедно ќе се радуваме за победата“, изјави Миркуловски.