Нискобуџетната авиокомпанија Визер објави дека од стартот на нивната работа на аеродромот „Александар Велики“ во Скопје во јуни 2011 до сега имаат превезено милион патници.
– Воодушевени сме од извонредниот раст кој го забележуваме во Македонија. Во 2012 година најавивме еден авион во Скопје, а со пристигнувањето на вториот авион во март 2014 година, ги удвоивме сите наши очекувања креирајќи нови работни места и повеќе рути од Македонија, изјави Даниел де Карвалхо од „Визер“.
Тој посочи дека остануваат посветени кога станува збор за поддршка на туризмот и на воздухопловството во државата. – Моментно вработуваме 47 луѓе како дел од екипажот за овие два авиона и сè уште бараме нови кандидати. Ние сме им благодарни на нашиот персонал од Македонија и на патниците што го поддржуваат извонредниот пораст на македонските нискобуџетни рути, изјави де Карвалхо.