Во Мајданпек кој поради хаварија на далекуводи нема струја веќе 44 часа ситуацијата е исклучително алармантна, а нов проблем е и недостигот од нафта за работа на агрегати.
Нема греење, а ниту вода, училиштата не работат, додека надлежните работат на санирање на оштетувања на далекуводи предизвикани од ледениот дожд и силниот ветар.
Во Мајданпек моментно е министерот за енергетика на Србија, Александар Антиќ.
Помошникот претседател на Општината Дејан Шкориќ изјави за Танјуг дека најнов проблем е и недостигот од нафта за работа на агрегатите за Здравствениот дом и локалната болница. Шкориќ вели дека вода веќе почнува да пристигнува од соседни општини, но граѓаните немаат пари да купат бидејќи не работат банките.
Според него, голем проблем е и немањето греење со што ситуацијата се приближува до хуманитарна катастрофа. Проблемите почнаа вчера околу 17 часот кога беше оштетен далекувод од 110 КВ кој ги напојува сите трафо-станици за снабдување на општината со струја.