Градот Скопје и годинава, традиционално, го реализира Прoект за украсување и декорирање по повод новогодишните и божикните празници, чија главна цел е да понуди свечени и естетски решенија за плоштадот и централното градско подрачје.
Декорирањето и украсувањето, кое е во тек, ќе ги опфати плоштадот „Македонија“ до плоштадот „Пела“, како и плоштадот „Филип Втори“ пред црквата „Св. Димитрија“.
Покрај плоштадот, во поширокиот реон на централното градско јадро ќе бидат украсени и булеварот „Илинден“ до раскрсницата со улицата „Френклин Рузвелт“; просторот пред Владата, улицата „Даме Груев“, булеварот „Партизански одреди“ до раскрсницата со булевар „8 Септември“ и платото пред Универзална сала; улиците „Димитрие Чуповски“, „11 Октомври“, „ВМРО“, „Филип Втори Македонски“, потегот од раскрсницата кај Специјалнатa болница за хируршки болести „Св. Наум Охридски“ до раскрсницата кај Т.Ц. „Мавровка“, просторот пред Судската палата и булеварот „Гоце Делчев“ од Т.Ц. „Мавровка“ до Владата.
Украсени ќе бидат и Старата чаршија пред националната галерија „Чифте амам“; паркот „Жена борец“, просторот пред црквата „Св. Богородица“; улицата „Македонија“ и булеварот „Климент Охридски“ од Владата до зградата на „Нова Македонија“.
Традиционално ќе биде поставена централна новогодишна елка, висока 18 метри, со светлосни и други украсни елементи.
Декорирањето треба да заврши на 15 декември, додека раскрасувањето ќе биде од 15 до 18 јануари 2015 година.
Новогодишните декорации ќе ги постават фирмите „Линк Медиа” од Скопје и „Лутарико Дооел-Скопје” за што Градот Скопје издвои 10.400.000 денари.