Израелската служба за безбедност Шин Бет соопшти дека на Западниот Брег открила терористичка мрежа на Хамас, која планирала напади врз Израелци во Ерусалим.
Уапсени се над 30 борци на исламистичката група. Тие планирале напади врз градската железница и најголемиот фудбалски стадион во градот.
Борците на Хамас биле обучени во Јордан и Турција, според соопштението на Шин Бет.
Исламистичката организација Хамас управува во Појасот Газа, а Западниот Брег се раководи од палестинскиот претседател Махмуд Абас, признаен од Западот.