Поглаварот на Римокатоличката црква, папа Франсис во своето обраќање во Европскиот парламент укажа на важноста од приклучување на балканските држави во ЕУ.
-Од голема важност е вие пратениците да го штитите европскиот идентитет, со цел граѓаните на ЕУ да имаат поголема доверба во институциите на унијата и нејзините напори за ширење на мирот и пријателството. Свесноста за сопствениот идентитет е важна и за одржување на позитивен дијалог со државите кои сакаат да станат членки на ЕУ- рече тој.
Папа Франсис во својот говор во Стразбур, истакна дека особено смета на државите од Балкан, за кои членството во унијата би можело да биде одговор на желбата за мир во регионот.
Е. Г.