Донесување закон за здравствени работници, покачување на платите според степенот на образование, модификација на моделот за плаќањето по учинок. Ова се барањата со кои денеска на протест излегоа здравствените работници од тетовската клиничка болница. Протестираа половина час за време на паузата.
Претседателот на Општинскиот одбор на Лекарска комора – Тетово, д-р Илбер Бесими изјави дека овие барања во целост се совпаѓаат со барањата на сите лекари во земјава. Да излезат на протест договориле на собранието на тетовската комора, одржано минатата недела.
Здравствените работници од тетовската клиничка болница најавија дека допрва ќе се договаат дали протестот ќе продолжи и во следните денови за време на паузите.