Рускиот претседател Владимир Путин разговараше за ситуацијата во Украина со германската канцеларка Ангела Меркел и со претседателот на ЕК Жан-Клод Јункер, по програмата на самитот на Г-20, изјави портпаролот на рускиот претседател Дмитриј Песков.
Путин, како што рече Песков, ги појаснил деталите на рускиот пристап на ситуацијата, пренесе ТАСС.
Разговорите биле долги и сеопфатни, а ги допреле и билатералните односи меѓу Москва и Берлин, и Москва и Брисел.
Самитот на Г-20 почна вчера во австралискиот град Бризбејн, а кризата во Украина како една од темите, фрли сенка на разговорите чиј фокус е да се поттикне глобалниот економски развој.