Исплатата на финансиската поддршка се извршува согласно утврдени критериуми и по проверка на истите, наведува ВМРО-ДПМНЕ во реакција на прес-конфернецијата на Панче Орцев од СДСМ.
Во писмената реакција стои дека согласно законот, исплатата на субвенциите се извршува во тековната година кога е поднесено барањето и продолжува следната година што значи дека субвенциите се исплаќаат од две буџетски години.
Според ВМРО-ДПМНЕ финансиската поддршка опфаќа инвестициски проекти кои се реализираат со соодветна временска динамик и оти завршната сметка се однесува за една календарска година.
– Субвенциите се за земјоделците и сите што ги исполниле условите ги добиваат. За разлика од ВМРО-ДПМНЕ, СДСМ воопшто и не доделуваше субвенции на земјоделците, наведуваат од партијата во писмената реакција.