КК Работнички не се сели во Третата лига, туку останува во кошаркарската елита, оваа одлука денеска ја соопшти Бобан Јосифовски, комесарот на затпреварување, којшто за 24 часа го смени својот став на денешниот состанок на здружението на прволигашите.
Соопшти дека натпреварот Работнички МЗТ се регистрира со службен резултат 0:20 за МЗТ.
Како што се очекуваше Работничкки не го доби бодот што се предвидува за поразената екипа.
Работнички еден натпревар на домашен терен ќе игра без публика.
Суспендирани се Горан Геровски претседател на КК Работнички и тренерот Марин Докузовски како и помошниот тренер Маријан Србиновски.
Делегатот Блаже Поповски е суспендиран за следните 4 натпревари, а 40 илјади денари е казната за Работнички за фрлање тврди предмети, чадна направа, плукање на службени лица и националистичко навивање.
34 илјади денари е казната за МЗТ Скопје за фрлање експлозивни направи, и фрлање меки и тврди предмети на терен.