Хрватска оваа година очекува род на пченицата од околу 300.000 тони, а потребите изнесуваат меѓу 500 и 550 илјади тони, така што се очекува недостиг на брашно, предупредуваат од здружението „Барањска бразда“.
Претседателот на здружението Петар Прањиќ изјави дека се посеани само околу 70.000 хектари, а во најдобрите години се сееле и до 200.000 хектари.
– Ваква година нема да донесе резултати, бидејќи поминаа оптималните рокови, а се што е посеано по нив носи послаб род и помали приноси, истакна Прањиќ, додавајќи дека следната година ќе има доволно брашно само за кифли, но не и за леб.
Според него, на оваа ситуација се радуваат само трговските шпекуланти кои на вештачки начин ќе го прикријат недостигот на домашна храна.