Камион кој превезувал отпадно железо се запали утрово на патот што од Струга води кон граничниот премин Ќафасан.
Во пожарот е причинета материјална штета, но според командирот на Територијалната протипожарна единица во Струга Минир Мамуди, нема човечки жртви.
– Нашите екипи веднаш по пријавата се упатија на терен. Интервениравме со едно возило и го изгаснивме пожарот. За среќа, нема човечки жртви, но е предизвикана поголема материјална штета, вели Мамуди.
Камионот кој превезувал отпадно железо бил со гостиварски регистарски табли. Увидот што го изврши полицијата на местото на несреќата треба да ги утврди причините поради кои се запалило возилото.