Четири лица се повредени утринава, кога околу 4 часот, дошло до хаварија во Рударско-топилничарскиот басен Бор.
Несреќата се случила во фабриката за сулфурна киселина. Во неа дошло до експлозија во таканаречениот оддел „Дувалка“, јави РТС.
Еден од работниците е потешко поврден, а останатите тројца се здобиле со полесни повреди. Сите повредени се сместени во болницата во Бор.
Полицијата го заврши увидот на местото на несреќата и се очекува во текот на денот да излезе со повеќе детали за причината на несреќата.