Универзитетот „Свети Кирил и Методиј“- Скопје и Амбасадата на Полска денеска организираат Ден на полскиот јазик и полската култура, по повод 55 години од полонистиката во Македонија.
Предвидени се обраќања на заменик-министерот за образование и наука Спиро Ристовски, на ректорот на скопскиот Универзитет Велимир Стојковски, на полскиот амбасадор Јацек Мултановски и на проректорот на Шљонскиот универзитет Ришард Козиолек.
Во рамки на манифестацијата на Филолошкиот факултет ќе се одржат дебата на тема „Полонистиката во Македонија, полскиот јазик во светот: трендови и перспективи“, предавање „За 60 минути околу Полска“ и концерт на групата Жешов Клезмер Бенд.