Украинскиот премиер Арсениј Јацењук денеска изјави дека неговата Влада ќе престане да ги финансира регионите во источниот дел на земјата, кои се под контрола на проруските сили, се додека „терористите не бидат протерани од таму“.
Јацењук наведе дека Киев ќе продолжи да ги снабдува со гас и со електрична енергија Доњеската и Луганската Област за да „ги поштеди обичните луѓе“ во текот на зимата.
Јацењук на владината седница посочи, дека лидерите на проруските сили, кои прогласија независност и минатата недела одржаа сопствени претседателски и парламентарни избори, треба да се остават сами да се грижат за себеси.