Украинскиот амбасадор во ОН, Јуриј Сергејев изјави дека Русија се спротивставила на соопштението на Советот за безбедност при ОН, во кое се критикуваат изборите кои што се одржаа во Доњецк и Луганск на исток на Украина.
Во предлог текстот на Литванија пишува дека изборите се одржани во спротивност на мировниот договор од Минск, кој што беше потпишан во септември.
-Тие се обидоа да направат нацрт соопштение во петок и сабота. Го составија овој документ, но Русија блокира се- изјави Сергејев.
Европските лидери и рекоа на Русија дека не ги признаваат резултатите од изборите во источна Украина, а генералниот секретар Бан Ки Мун минатата недела изрази жалење поради изборите, бидејќи Русија објави дека ќе го признае исходот.
Е. Г.