Во антитерористичка операција извршена од либанската армија на територија на цел Либан уапсени се најмалку 200 екстремисти, јави ТАСС.
Во градовите Триполи и Акар во кампови на сириски бегалци во текот на операцијата се уапсени над 50 лица.
Во градот Сајда се откриени и спречени серија терористички напади, при што се запленети експлозивни направи, оружје и муниција.
Армиска патрола уапси група од 12 вооружени мажи во градот Раша.